ალექსანდრე ნათიშვილის მორფოლოგიის ინსტიტუტში ორგანოთა მანქანური პერფუზიის მიმართულებით მიღებული სამეცნიერო შედეგები ახალი საერთაშორისო თანამშრომლობის საფუძველი გახდა.
2025 წელს ინსტიტუტმა University Medical Center Groningen-ის და სევილიის უნივერსიტეტის სამედიცინო ცენტრის პარტნიორობით მოამზადა და Horizon Europe-ის კონკურსზე წარადგინა საერთაშორისო Twinning პროექტი.
პროექტი მიზნად ისახავს თანამშრომლობის გაძლიერებას მანქანური პერფუზიისა და ტრანსლაციური ტრანსპლანტაციის კვლევის მიმართულებით, ორგანოთა პრეზერვაციის შესაძლებლობების გასაუმჯობესებლად. პროექტის შიფრია 101340161 და იგი წარდგენილია Horizon Europe-ის Widening Participation and Strengthening the European Research Area (Twinning) მიმართულებით.
ეს ინიციატივა ინსტიტუტში მიმდინარე ექსპერიმენტული კვლევების საერთაშორისო კვლევით ქსელებში ინტეგრაციის მნიშვნელოვან ეტაპს წარმოადგენს.