ალექსანდრე ნათიშვილის მორფოლოგიის ინსტიტუტი არის ივანე ჯავახიშვილის სახელობის თბილისის სახელმწიფო უნივერსიტეტის დამოუკიდებელი სამეცნიერო-კვლევითი ერთეული, რომელიც აერთიანებს ფუნდამენტურ და გამოყენებით ბიოსამედიცინო კვლევებს, თანამედროვე მორფოლოგიურ და მოლეკულურ მეთოდებსა და კლინიკურ პათოლოგიას.

1946 წელს დაარსებული ინსტიტუტი დღეს აგრძელებს ქართული მორფოლოგიური სკოლის სამეცნიერო ტრადიციებს და თანამედროვე კვლევითი მიდგომების გამოყენებით ხელს უწყობს ბიოსამედიცინო მეცნიერებების განვითარებას, ახალგაზრდა მკვლევართა მომზადებასა და საერთაშორისო სამეცნიერო თანამშრომლობას.

მისია, მიზანი და საქმიანობის პრინციპები

ინსტიტუტი დღეს

ალექსანდრე ნათიშვილის მორფოლოგიის ინსტიტუტი დღეს აერთიანებს ფუნდამენტურ და გამოყენებით ბიომედიცინურ კვლევებს, თანამედროვე მორფოლოგიურ და მოლეკულურ მეთოდებსა და კლინიკურ პათოლოგიას.

ინსტიტუტის სამეცნიერო საქმიანობა მოიცავს ორგანოთა და სისტემების მორფოლოგიისა და პათოლოგიის კვლევას, ღვიძლის რეგენერაციისა და ტრანსპლანტაციის საკითხებს, დაავადებათა მოლეკულურ საფუძვლებს, ციფრულ პათოლოგიასა და ნანოტექნოლოგიური მიდგომების გამოყენებას ბიომედიცინაში.

კვლევითი საქმიანობის პარალელურად, ინსტიტუტში ფუნქციონირებს კლინიკური პათოლოგიის დიაგნოსტიკური ცენტრი და სპეციალიზებული კვლევითი ლაბორატორიები.

სამეცნიერო მიმართულებები

სტრუქტურა და შესაძლებლობები

ინსტიტუტის სამეცნიერო საქმიანობა ორგანიზებულია სამი დეპარტამენტის ფარგლებში და ეფუძნება სპეციალიზებული ლაბორატორიებისა და კლინიკური პათოლოგიის დიაგნოსტიკური ცენტრის კვლევით და დიაგნოსტიკურ შესაძლებლობებს.

სამეცნიერო თანამშრომლობა და განათლება

ინსტიტუტი თანამშრომლობს ადგილობრივ და საერთაშორისო სამეცნიერო და საგანმანათლებლო ორგანიზაციებთან, მონაწილეობს ერთობლივ კვლევით პროექტებში და ხელს უწყობს ცოდნისა და გამოცდილების საერთაშორისო გაცვლას.

განსაკუთრებული მნიშვნელობა ენიჭება ახალგაზრდა მკვლევართა განვითარებას, სტუდენტებისა და დოქტორანტების კვლევით საქმიანობაში ჩართვას, სამეცნიერო კონფერენციების, სემინარებისა და პროფესიული შეხვედრების ორგანიზებას.

80 წელი მეცნიერების სამსახურში

1946 წელს აკადემიკოს ალექსანდრე ნათიშვილის ინიციატივით დაარსებული ინსტიტუტი რვა ათწლეულის განმავლობაში მნიშვნელოვან როლს ასრულებს საქართველოში მორფოლოგიური და ბიოსამედიცინო მეცნიერებების განვითარებაში. ინსტიტუტის ისტორია დაკავშირებულია ქართული ანატომიური და მორფოლოგიური სკოლის განვითარებასთან, ახალი კვლევითი მიმართულებების ჩამოყალიბებასა და თანამედროვე მეთოდების დანერგვასთან.